Ekshibishon

Alta di korsou

Apertura di e eksposishon akí ta dia 17 di sèptèmber. E ta dedika na Pader Paul Brenneker i Elis Juliana. E eksposishon ta trata di kolekshon religioso, ku nan a haja 50 anja pasa i a otorga esei na NAAM.

read more

Guera na Kòrsou ku historia di Segundo Guera Mundial na Kòrsou

Grupo di trabou Guera na Kòrsou?! lo organisá un eksposishon pa konmemorá Segundo Guera Mundial na Kòrsou. Esaki lo tuma lugá mei ku ta bini na Museo di Kòrsou. Banda di e eksposishon, lo organisá tambe un rekorido di lugánan importante pa guera, un siklo di pelíkula i charla i lo publiká material di informashon i pa edukashon.

read more

Eksposishon – Proyekto Edukativo, Rekorido den bario i hopi mas…

Fundashon NAAM ta organisá un grandioso proyekto na 2016 ku e tema ‘100 aña Refineria na Kòrsou’, ku lo konsistí di Eksposishon, proyektonan edukativo, Rekorido den bario i hopi mas. Den kurso di otro aña NAAM i Archivo Nashonal ke para ketu na impakto i nifikashon di Isla den Nos Bida. Preparashonnan a kuminsá kaba. I awor nan ke enbolbí pueblo di Kòrsou! Den luna di novèmber tin oportunidat pa tur hende ku tin algu di kompartí e oportunidat pa konta nan.

read more

MAN of STEEL un obra di arte di GIOVANNI ABATH

Curator Felix de Rooy di e eksposishon Isla den Nos Bida e pidi Giovanni
Abath traha un obra di arte monumental speshal pa kompletá e bunita piesanan di Abath ku ya ta forma parti di e eksposishon. Djamars atardi 17 yanüari a desvelá e obra aki.

read more

MCB prize 2016 ta keda otorgá na NAAM

E aña aki, den kual Maduro & Curiel’s Bank ta selebrá su 100 aniversario, ta e aña tambe ku Bo Banko Amigu ta otorgá pa di 20 biaha e prestigioso MCB Prize.
E premio aki ta wòrdu entregá na e organisashon, persona òf instituto ku na nos humilde opinion a sobresalí i/òf a hasi un impakto positivo den nos komunidat.

read more

Ban rebiba nos heroe Felix Chakutoe (1891-1967)

Manera ta konosí e busto di bròns di héroe nashonal Phelippi Benito ‘Felix’ Chakutoe (26-8- 1891/18-9-1967) a keda hòrta dia 24 di mei 2010.
 
Pa informá tur hende ken ta Felix Chakutoe i historia tras di e busto a traha un eksposishon modesto den hal di edifisio di NAAM.

read more

Freeports of the Caribbean: Curaçao & Statia

E eksposishon ‘Freeports of the Caribbean Curaçao & Statia’ ku ta tuma lugá di 17 di mart te i ku 31 di yüli 2008, ta duna bida na aktividatnan di e tempu ei.

E eksposishon ta tuma lugá den e hal di e edifisio nobo di NAAM, National Archaeological Anthropological Memory Management situá na Johan van Walbeeckplein 13.

E eksposishon ta interpretá bida na Willemstad (Kòrsou) i Oranjestad (St. Eustatius) na siglo 18, prinsipio di siglo 19 i kuminsamentu di siglo 20. E tempu ei tabatin hopi komersio entre e kolonianan den Karibe, Nort- i Sur-Amérika, Europa i Afrika. E komersio ei tabata trese produkto di rònt mundu riba e wafnan di Kòrsou i St. Eustatius.

read more

Herensia di Sklabitut i enseñansa

E eksposishon ‘Herensha di Sklabitut’, ku a habri dia 1 di yüli na Lanthùis Gròt Santa Martha, ta hopi interesante pa tantu hende grandi, mucha i hóben. E manera ku a monta e eksposishon den otro ta interaktivo i ta pa kada bishitante un eksperensia personal i partikular. E eksposishon ta prinsipalmente visual, ku hopi imágen i vidio.

E eksposishon “Herensia di Sklabitut” i e tópiko “revelá pasado pa kobra forsa”, ta invitá pa sigui profundisá mas na skol. Den e kuadro aki Komishon Herensia di Sklabitut, ku ta konsistí di 20 organisashon lokal ku a traha huntu pa realisá e exposishon aki, a duna ID-arte e tarea pa desaroyá material edukativo. E pakèt edukativo ta konsistí di material pa uso den klas i un guia pa kana mira dirigí e eksposishon. Tur skol ku bishita e eksposishon ta haña tantu e material komo e guia.

read more

BETO ADRIANA, 50 AÑA TRIUNFO DEPORTIVO”

Pa kontribuí na grandesa na Weganan di Reino lo tin un eksposishon ku e kolekshon úniko di trofeo y medayanan di logronan deportivo di 50 aña di e gran deportista Bèto Adriana. E eksposishon ta reflehá un largu historia deportivo internashonal i e trofeonan ta duna un bista reflehá kultura deportivo di mas ku 20 pais kaminda Bèto a kompetí. 

Curacaose Sport Federatie (C.S.F.) a dediká e premiashon deportivo anual di mas haltu di Kòrsou na su persona, esta: “Kopa Bèto Adriana” pa e deportista mas destaká di nos pais.

read more

‘Shon We’ Evertsz: komersiante den Otrobanda

Den siman di 17 te 23 di òktober ADECK ta organisá e Siman di Empresario. Pa e okashon aki ta publiká un artíkulo riba un empresario krioyo remarkabel di siglo 20 ku ta e empresario W.C. (Shon We) Evertsz.. W.C. Evertsz  tabatin tur sorto di artikulo den su pakus situa den Breedestraat i Conscientiesteeg. Aktualmente su inventario ta warda na NAAM.
read more