Eksposishon – Proyekto Edukativo, Rekorido den bario i hopi mas…

Ekshibishon

Aktualidat

E simannan aki Refineria Isla(PDVSA) i tambe Curoil a selebrá nan 30 aña di eksistensha, tin debate formal te hasta un huisio sumario tokante polushon, pero promé ku tur esaki tin un historia.
E historia di Isla den Nos Bida. Trabou, Kas, Enseñansa, Bario, Rekreo, Kulturanan, Komersio, Kuido médiko, Industria, Haf, ta kasi tur aspekto di bida di Kòrsou tabata tin influensha grandi di e refineria.

Eksposishon

NAAM i tambe Archivo Nashonal ke mustra tantu pueblo di Kòrsou komo nos bishitantenan e historia kompleto di 100 aña Refineria na Kòrsou. Lo hasi esaki den diferente forma. Den edifisio di NAAM lo tin un eksposishon grandi diseñá pa Felix de Rooy, ku lo presentá e historia di Kòrsou i isla di un forma masha moderno. Tambe lo tin eksposishon di potrèt i dokumento na Archivo Nashonal. For di enseñansa di fundeshi te universidat lo por partisipá na proyektonan edukativo lo tin rekorido den barionan ku vínkulo speshal ku historia di e refineria.

Duna bo parti

Awor NAAM I Archivo ke pidi pueblo di Kòrsou koperá , kontando eksperenshanan ku e refineria. Ta pidi pa bin duna bo parti. Ta buskando artefakto i opheto i tambe historia. Den luna di novèmber por pasa na NAAM pa hasi entrega.

Tuma kontakto ku Lida Pandt na 6906661; Marlon Reina na 5215054 of na NAAM 4621933/34.